مع اقتراب موعد بدء التصويت في الانتخابات البرلمانية المقبلة تزدحم شوارع محافظة بني سويف باللافتات والبنرات الدعائية، للمرشحين، والتي تقدر تكلفتها بمئات الآلاف من الجنيهات.
يقول محمد حسين: “صارفين فلوس على بنرات ويفط وورق ألوان مش عارف الفلوس دي جايلهم منين، ده احنا أولى بيها.. دي لو اتوزعت على الشعب تكفيه اسبوع اكل وشرب. الناس مش عارفة تأكل ودول بيسرقوا فلوسنا ويحطوها في شوية ورق”.
ويعلق جمال سيد: “كل اللي بيعملوه ده ملهوش لازمة بيصرفوا فلوس في الهوا واحنا محتاجين ونزلنا قبل كده وشاركنا وأترمى صوتنا في الزبالة”.
وتضيف كاملة السيد: “أنا مش عارفة اجيب كيلو الطماطم الي بقي بـ 10 جنيه وشايفة الفلوس بتترمي ازاي على الدعاية والكلام ده. مش حرام الي بتعملوا فينا ده احنا محتاجين والله اكتر من الورق”.
