كان الإعلامي عمرو أديب قد هاجم الكاتب الصحفي خالد صلاح رئيس تحرير اليوم السابع، أثناء تقديمه برنامجه القاهرة اليوم على فضائية اليوم مساء الثلاثاء؛ بسبب انتقاد صلاح للأجهزة الأمنية بعد حادث تفجير فندق العريش ووفاة “قاضيين”.
وقال عمرو أديب موجها كلامه لـ”خالد صلاح”: “مش مهنية انك تنتقد الأمن في الظروف الصعبة اللي احنا فيها، واللي مايشوفش يبقى أعمى القلب مش العينين، وإنت مابتشوفش يا خالد؟ حرام عليك يا راجل، يا أخي نخلي عندنا دم، نحس بقى يا أخي، البلد مش مستحملة خالص، مش عارف إنت بتعرف تقرا ولا لأ”.
وأضاف أديب: “فرنسا خلصت الموضوع، ماحدش اتكلم في الإرهاب، البلد مش مستحملة خالص، أنا عمري ما هاجمت زميل بس ماينفعش كده يا خالد، الإرهاب ماحدش يعرف يقف قدامه، عيب يا خالد لازم نكون أد الموقف اللي إحنا فيه”.
وتابع قائلاً: “الصحفي عندك في الموقع حاطط صورتك بالضب بتاعك وانت بتضحك ولا كأن فيه ناس ماتوا، يا أخي دي مش مهنية وانت ماتعرفش أي حاجة في المهنة”.
هجوم عمرو أديب على خالد صلاح دفعه للرد قائلاً “دا تجاوز لا أسمح بيه” فرد “أديب”: “تسمح ولا ماتسمحش انت حر”، فرد خالد صلاح “دي قلة أدب” ليتدخل “ضياء رشوان” على الهواء ويخرج فاصل لاحتواء الموقف.
